Pank-muzyku ź dźviercami ad chaładzilnika i ŭ kajdankach zatrymlivaŭ syn Paŭličenki — BYPOL
Abjadnańnie byłych siłavikoŭ BYPOL ustanaviła, chto zatrymlivaŭ muzykanta-budaŭnika Viktara Žarkieviča.
07.09.2022 / 14:13
Videa z zatrymanym było raspaŭsiudžanaje 5 vieraśnia. Na videa siłavikoŭ minčuk Viktar Žarkievič trymaje ŭ rukach dźviery ad chaładzilnika, zaleplenyja pratesnymi stykierami — z bčb-ściahami i z anarchisckimi łozunhami. Na hałavu mužčyny nadzietaja čyrvonaja kaska z Pahoniaj, ruki — u kajdankach. Dźviery chaładzilnika mužčynu zmusili ciahnuć da adździaleńnia.
Kanvoj na karotkim videa apranuty ŭ spartyŭnyja kaściumy, kiepki, a tvary schavaŭ pad maskami, z-pad jakich bačnyja tolki vočy i nos.
Adnak BYPOL ustanaviŭ supracoŭnikaŭ SACHR Unutranych vojsk MUS. Śćviardžajecca, što heta — Arciemij Paŭličenka, syn Dźmitryja Paŭličenki, a taksama Kirył Barysik, jaki trojčy źjaŭlaŭsia paciarpiełym pa kryminalnych spravach suprać pratestoŭcaŭ.