Padalak: Kijeŭ nie maje dačynieńnia da śmierci Darji Duhinaj
Daradca kiraŭnika Ofisa prezidenta Ukrainy Michaił Padalak u efiry nacyjanalnaha telemarafona vyklučyŭ dačynieńnie ŭkrainskaha boku da ŭčarašniaha padryvu mašyny dački ideołaha ruskaha impieryjalizmu Alaksandra Duhina.
21.08.2022 / 12:15
Miesca, dzie ŭčora ŭzarvaŭsia aŭtamabil Darji Duhinaj
«Padkreślivaju, što Ukraina, biezumoŭna, da hetaha nie maje dačynieńnia, tamu što my nie kryminalnaja dziaržava, jakoj źjaŭlajecca Rasijskaja Fiederacyja, i tym bolš nie terarystyčnaja dziaržava», — skazaŭ Padalak.
Jon taksama dadaŭ, što hetaje zabojstva śviedčyć pra baraćbu za ŭładu i ŭpłyŭ roznych hrupovak unutry Rasii.
Mašyna, jakoj kiravała Darja Duhina, vybuchnuła ŭčora ŭ Padmaskoŭi. Žančyna jechała na joj ź fiestyvalu «Tradycyja», na jakim jana była razam sa svaim baćkam. Duhin nibyta taksama pavinien byŭ viartacca ŭ Maskvu hetaj samaj mašynaj, ale ŭ apošni momant sieŭ u inšuju.