«Kamu ad hetaha drenna, kali ŭ muža ščaślivaja žonka?» Historyi zdradaŭ u adnosinach
Ci možna paśla taho, jak partnior vam zdradziŭ, praciahvać ź im adnosiny i navat hanarycca jaho ŭčynkam? Akazvajecca, byvaje i tak.
20.08.2022 / 20:33
Historyjami svaich zdradaŭ ludzi padzialilisia z padkastam «Paŭhadziny kardyjo».
Fota: pixabay.com / scottwebb
Historyja 1
Dziaŭčyna ŭ adzin dzień zaniałasia seksam z mužam i dvumia kachankami (z usimi paasobku). Jak kazała jana, muž byŭ dobrym čałaviekam, ale vielmi zaniatym, a joj vielmi chaciełasia seksu, tamu šukała varyjanty. Para ŭ vyniku razyšłasia — ale nie z pryčyny zdradaŭ. Muž tak i nie daviedaŭsia ni pra što.
Dziaŭčyna tyja zdrady prablemaj nie ličyła. U jaje ŭ hałavie ŭsio było dakładna raźmierkavana — jość muž i siamja, a jość jaje asabistaje žyćcio. «Kamu ad hetaha drenna, kali ŭ muža ščaślivaja žonka?»
Historyja 2
Para sustrakałasia na adlehłaści. Dziaŭčyna jeździła da chłopca kožnyja dva-try tydni, i ich usio zadavalniała. Amal dajšło da viasiella. Ale ŭ niejki momant para vyrašyła, što lepš zastacca siabrami.
Kali jany paśla sustrelisia, były chłopiec pierabraŭ z ałkaholem i vyrašyŭ pryznacca. Akazałasia, jašče padčas adnosin jon padumaŭ: ja jašče nie ŭsio pasprabavaŭ. I vyryšyŭ pasprabavać seks z chłopcam, znajšoŭ u internecie kandydata. Jon byŭ pierakanany, što z chłopcam — heta nie zdrada.
Kali dziaŭčyna heta pačuła, joj było vielmi niepryjemna. Ale jana paradavałasia, što nie vyjšła za jaho zamuž. Ciapier, kali emocyi sucišylisia, jana navat hanarycca hetym byłym — bo jon z kansiervatyŭnaj siamji ź sielskaj miascovaści, atrymlivaŭ adukacyju, źviazanuju z vajennaj dziejnaściu. I navat u takim atačeńni ŭ jaho ŭźnikli takija dumki.
Historyja 3
Chłopiec łasy na cikavaść da siabie. Kali byŭ u adnosinach, jon paznajomiŭsia ź dziaŭčynaj. Jany sustrelisia niekalki razoŭ. Paśla vyrašyli pajechać da jaje. Ale seksam nie zanialisia. U momant kali na chłopcy byŭ preziervatyŭ, jamu stała vielmi soramna i jon prosta nie zmoh. I pajechaŭ dadomu.
«Toje, što ja zdradnik — adno z samych ahidnych pačućciaŭ, jakoje ja adčuvaŭ», — dzialiŭsia chłopiec. Jon paśla pryznaŭsia ŭ hetym partniorcy, i jany navat nie rasstalisia.
Historyja 4
Dziaŭčyna była ŭ abjuziŭnych adnosinach, i jaje partnior chacieŭ usio kantralavać, bo dumaŭ, što jana moža jamu zdradzić. Praz dva tydni paśla rasstavańnia dziaŭčyna daviedałasia, što toj mužčyna zavioŭ novuju i niejak chutka. Vyśvietliłasia, što jon sam zdradžvaŭ u adnosinach. Novaja dziaŭčyna hetaha mužčyny taksama pavodziła ź im siabie abjuziŭna i zdradžvała. I zaraziła jaho vienieryčnymi zachvorvańniami.