U Maryupali rychtujuć «trybunał» nad ukrainskimi vajennapałonnymi
Samaabvieščanaja «DNR» rychtujecca pravieści «trybunał» nad ukrainskimi vajennapałonnymi ŭ Maryupali, zajaviŭ u efiry rasijskaha telekanała «Rasija 1» kiraŭnik «DNR» Dzianis Pušylin.
08.08.2022 / 19:36
Kletka dla viaźniaŭ na scenie Maryupalskaj fiłarmonii. Fota: telehram-kanał Maryupalskaj haradskoj rady
«Mahu dakładna paćvierdzić toje, što padrychtoŭka da trybunała viadziecca roŭna tak, jak my pra heta zajaŭlali. Roŭna tak, jak my heta płanujem. Heta značyć, trybunał niepaźbiežny, i adzin ź pieršych trybunałaŭ budzie ŭ Maryupali», — zajaviŭ Pušylin.
Jon dadaŭ, što dla praviadzieńnia «trybunała» rychtujuć i pamiaškańni. Raniej Maryupalskaja haradskaja rada paviedamlała, što na scenie miascovaj fiłarmonii pastavili turemnyja kletki — mabyć, tam «trybunał» i projdzie. «Sudzić», buduć, vierahodna, zachoplenych u Maryupali bajcoŭ pałka «Azoŭ».