Na «biełaruskich Maldyvach» robiać placoŭku dla fota
Sfatahrafavacca na krejdavych karjerach u Vaŭkavyskim rajonie možna budzie ŭ śpiecyjalna abstalavanym miescy na biaśpiečnaj adlehłaści ad bieraha. Zaraz na adnym z krejdavych karjeraŭ pad Krasnasielskim zaviaršajecca ŭładkavańnie naziralnaj placoŭki, paviedamlaje miascovaje vydańnie «Naš kraj».
08.08.2022 / 16:13
Karjery vabiać da siabie ludziej z roznych kutkoŭ Biełarusi. Adnak nie abychodzicca biez trahiedyj.
Vaŭkavyski rajvykankam pastanaviŭ abstalavać śpiecyjalnaje miesca. Im vybrana 14-ja linza karjeraŭ.
Rabotnikami PUP «Cembud» ustalavanaja biaśpiečnaja płatforma z aharodžaj, jakaja budzie pieraškadžać samavolnamu padychodu ludziej da stromkich schiłaŭ karjera.
Turystam budzie dazvolena pravodzić fotasiesii, ale voś adpačynak na bierazie i kupańnie pa-raniejšamu buduć pad zabaronaj. Zaraz na abjekcie viaducca zaviaršalnyja raboty, i chutka naziralnaja placoŭka zmoža pryniać pieršych naviedvalnikaŭ.