Minzdaroŭja z 15 žniŭnia prypyniaje dziejnaść miedcentraŭ «Nardzin» i «Try dantysty plus»
Lačebna-kantrolny saviet Ministerstva achovy zdaroŭja razhledzieŭ pytańnie ab prypynieńni dziejnaści dvuch miedycynskich centraŭ. Havorka idzie pra TAA «Try dantysty plus» i TAA «Nardzin».
03.08.2022 / 15:51
«Kančatkovaje rašeńnie — ab prypynieńni dziejnaści hetych miedycynskich centraŭ (z 15 žniŭnia 2022 h.) było vyniesienaje kalehijaj Ministerstva achovy zdaroŭja», — havorycca ŭ paviedamleńni pres-słužby Ministerstva.
Hruntujučysia na infarmacyi dziaržkantrolu Ministerstva achovy zdaroŭja stvaryła kamisiju, jakaja taksama praviała pravierku miedcentra. Pres-słužba viedamstva paviedamlaje, što byli vyjaŭlenyja nastupnyja parušeńni:
— ažyćciaŭleńnie pradprymalnickaj dziejnaści ŭ miescy, nie pakazanym u licenzii,
— vyjaŭlenyja šmatlikija parušeńni ŭ śfiery abaračeńnia lekavych srodkaŭ, a mienavita nienaležnaha ich zachoŭvańnia,
— najaŭnaść lekavych srodkaŭ, termin prydatnaści jakich vyjšaŭ,
— parušeńni patrabavańniaŭ kliničnych pratakołaŭ dyjahnostyki i lačeńnia, u tym liku pa słužbie aniestezijałohii i reanimatałohii, akušerstvie i hiniekałohii, kardyjałohii, nieŭrałohii, hastraenterałohii, reŭmatałohii i inš.;
— parušeńni pry akazańni psichijatryčnaj dapamohi;
— parušeńni pry pryznačeńni psichatropnych lekavych srodkaŭ;
— parušeńni ŭ paradku zvarotu narkatyčnych srodkaŭ va ŭstanovie;
— parušeńni ŭ praviadzieńni miedycynskich ahladaŭ, arhanizacyi i praviadzieńni ekśpiertyzy časovaj niepracazdolnaści;
— parušeńni paradku arhanizacyi akazańnia nieadkładnaj dapamohi;
— parušeńni sanitarna-epidemijałahičnych patrabavańniaŭ, sanitarnych normaŭ, praviłaŭ i hihijeničnych narmatyvaŭ.
Pravierka druhoha miedcentra pravodziłasia pa skarzie ad hramadzianina. Ministerstva achovy zdaroŭja vyjaviła nastupnyja parušeńni:
— vykarystańnie miedycynskaj techniki, nie zarehistravanaj i nie dazvolenaj dla miedycynskaha prymianieńnia ŭ Respublicy Biełaruś;
— adsutnaść miedycynskaj dakumientacyi, najaŭnaść i viadzieńnie jakoj patrabujucca dla vykanańnia rabot i akazańnia pasłuh, jakija składajuć licenzavanuju dziejnaść;
— nie pradastaŭleńnie ŭ Ministerstva achovy zdaroŭja ŭ termin dakumientaŭ ab pryznačeńni na pasady novych rabotnikaŭ zamiest zajaŭlenych pry atrymańni licenzii i dadatkova da zajaŭlenych u licenzii;
— niedachopy ŭ jakaści akazańnia miedycynskaj dapamohi pacyjentu;
— šmatlikija niedachopy pry afarmleńni miedycynskich dakumientaŭ, fakty ŭniasieńnia ŭ miedycynskija dakumienty niedakładnych źviestak.
Raniej paviedamlałasia pra zatrymańnie zasnavalnika miedcentra «Nardzin» Dźmitryja Sajkova. Paźniej jon byŭ adpuščany. Dziejnaść kampanii praviaraŭ KDK. U lipieni Ministerstva achovy zdaroŭja prypyniła dziejańnie licenzii «Nardzina» na niekatoryja vidy rabot i pasłuh.