Rasijskija vajskoŭcy apublikavali videa, jak kastryrujuć pałonnaha ŭkrainca
Na zapisie źviazanamu mužčynu ŭ vajskovaj formie adrazajuć mašonku kancylarskim nažom.
29.07.2022 / 13:43
Videazapis byŭ apublikavany ŭ sacsietkach. Na videa pałonnaha trymajuć niekalki čałaviek. Kala jaho vajskoviec, jaki trymaje ŭ rukach kancylarski nož. Pałonny imkniecca vyrvacca, ale jaho bjuć nahoj pa hałavie. Potym kat razrazaje štany i trusy mužčyny nažom i adrazaje mašonku.
Paśla vypakładanaha mužčynu vałakuć pa ziamli, pryviazaŭšy viaroŭkami za nohi.
Z etyčnych mierkavańniaŭ my nie možam źmiaścić hetaje videa. Ale jano vyhladaje realnym i niezmantažavanym.
U kadry milhajuć tvary ŭdzielnikaŭ hetaha. Ukrainskija aktyvisty ŭžo identyfikavali mierkavanaha čałavieka z nažom. U sietcy apublikavanyja jaho piersanalnyja danyja. Heta moža być 29-hadovy A. z Elisty (Kałmykija).
Rasijskija dziaržaŭnyja ŚMI ničoha nie paviedamlajuć pra hetuju spravu. Prapahandysckija ž telehram-kanały adny pryznajuć praŭdzivaść videa i sprabujuć znajści jamu apraŭdańnie, a inšyja dakazvajuć, što heta falsifikacyja, insceniroŭka ŭkraincaŭ.
Voś što pišuć rasijskija resursy:
Daradca kiraŭnika Ofisa prezidenta Ukrainy Michaił Padalak u adkaz na raspaŭsiud videa nazvaŭ Rasiju «krainaj ludažeraŭ, jakija atrymlivajuć asałodu ad katavańniaŭ i zabojstvaŭ». Ën paabiacaŭ, što Ukraina identyfikuje i pakaraje kožnaha datyčnaha da złačynstvaŭ.