Ukrainu z terytoryi Biełarusi abstralali «Iskanderami». Usiaho rasijanie bili z troch napramkaŭ
Pra heta «Ukrainskaj praŭdzie» paviedamiŭ pres-sakratar kamandavańnia Pavietranych sił USU Juryj Ihnat.
28.07.2022 / 10:37
Fota: DPA
Pa jaho słovach, rasijanie vypuścili «Kalibry» z akvatoryi Čornaha mora, «Iskandery» z rajona aeradroma «Ziabraŭka» Homielskaj vobłaści Biełarusi i rakiety Ch-22 z dalokich bambardziroŭščykaŭ Tu-22M3, jakija bazujucca na aeradromie «Šajkoŭka» ŭ Rasii.
Usiaho było vypuščana kala 20 rakiet.
Ihnat adznačyŭ, što z-za ciažkaści paražeńnia padobnych pavietranych celaŭ, SPA nie ŭdałosia źbić usie rakiety.
Pa papiaredniaj infarmacyi, u Mikałajevie ŭ vyniku abstrełu paciarpieŭ budynak škoły, u Vyšharadskim rajonie Kijeŭščyny paciarpiełych i achviar niama. Nakont papadańniaŭ u Čarnihaŭskaj vobłaści padrabiaznaściej pakul niama.