20-hadovuju «terarystku» Danutu Pieradnia asudzili da 6,5 hoda kałonii
Sud Kiraŭskaha rajona 1 lipienia vynies prysud palitźniavolenaj Danucie Pieradni — studentcy z Kiraŭska, jakuju abvinavacili ŭ dziejańniach, nakiravanych na pryčynieńnie škody nacyjanalnym intaresam Respubliki Biełaruś (č. 3 art. 361 KK RB) i abrazie Łukašenki (č. 1 art.368 KK RB). Dziaŭčynie prysudzili 6,5 hoda kałonii ahulnaha režymu, paviedamlaje MAYDAY TEAM.
05.07.2022 / 13:18
U vinu joj pastavili toje, što jana pierapościła ŭ adzin z čataŭ tekst, u jakim u rezkaj formie krytykavalisia dziejańni Pucina i Łukašenki pa raźviazvańni vajny va Ukrainie. Taksama tam źmiaščaŭsia zaklik da vuličnych vystupaŭ i kanstatavałasia adsutnaść pierśpiektyŭ u biełaruskaj armii ŭ vypadku jaje ŭstupleńnia ŭ vajnu.
Danuta była studentkaj-vydatnicaj. Vučyłasia na ramana-hiermanskaj fiłałohii ŭ Mahiloŭskim dziaržaŭnym univiersitecie imia Kulašova, adkul jaje adličyli paśla zatrymańnia ŭ lutym 2022 h.
10 červienia KDB abnaviŭ śpis «asob, jakija majuć dačynieńnie da terarystyčnaj dziejnaści» — tudy dadali 9 čałaviek, siarod jakich była i Danuta.