Da 200 pracentaŭ. Stali viadomyja pamiery nadbavak miedykam
Stali viadomyja pamiery nadbavak miedykam z 1 lipienia. Na Nacyjanalnym pravavym internet-partale apublikavanyja pastanovy Minzdaroŭja №57 i 58 ad 22 červienia.
23.06.2022 / 08:06
Uračam dadzienaja nadbaŭka 85% ad akładu, a siaredniamu miedpiersanału — 35%.
Pry hetym na asobnych učastkach, u zaležnaści ad składanaści i intensiŭnaści vykananaj pracy ŭstalavany bolšy pamier nadbaŭki:
— u pryjomnych adździaleńniach stacyjanaraŭ, adździaleńniach dla pacyjentaŭ ź insultami, učastkovaj słužbie paliklinik ustanoŭlena: uračam 135% akładu, siarednim miedrabotnikam 50% akładu;
— vyjaznych bryhad chutkaj miedycynskaj dapamohi: uračam 135% akładu, siarednim miedrabotnikam 60% akładu;
— u adździaleńniach aniestezijałohii i reanimacyi: uračam 200% akładu, siarednim miedrabotnikam 70% akładu.
Ustanoŭlenaja nadbaŭka za asablivaść prafiesijnaj dziejnaści małodšym miedycynskim siostram i sanitarkam pryjomnych adździaleńniaŭ stacyjanaraŭ, adździaleńniaŭ (pałat) dla pacyjentaŭ ź insultami, vyjaznych bryhad chutkaj miedycynskaj dapamohi, adździaleńniaŭ (pałat) aniestezijałohii i reanimacyi ŭ pamiery 15% akładu.