Vikipiedysta Marka Biernštejna pačnuć sudzić ŭ kancy červienia
Pieršaje pasiedžańnie pryznačana na 23 červienia. Spravu budzie razhladać sudździa Zavodskaha rajona Minska Nastaśsia Osipčyk, piša «Viasna».
12.06.2022 / 19:17
Mark Biernštejn. Fota z Fejsbuka
Biernštejna zatrymali 11 sakavika. Siłaviki paviedamili, što nahodaj dla zatrymańnia stali «fejkavyja antyrasijskija materyjały». Paźniej na jaho raspačali kryminalnuju spravu pavodle art. 342 Kryminalnaha kodeksa («Arhanizacyja hrupavych dziejańniaŭ, jakija hruba parušajuć hramadski paradak»).
Biernštejn, šyroka viadomy pad nikam Pessimist2006, — topavy redaktar Vikipiedyi. Z 14 červienia 2008 hoda jon unies u roznyja artykuły bolš za 200 tysiač pravak.