NAK Ukrainy patrabuje nie dapuskać da spabornictvaŭ spartsmienaŭ z Rasii i Biełarusi
Prezident Nacyjanalnaha alimpijskaha kamiteta Ukrainy Siarhiej Bubka patrabuje ad usich mižnarodnych fiederacyj vykonvać rekamiendacyi Mižnarodnaha alimpijskaha kamiteta adnosna adchileńnia rasijan i biełarusaŭ ad mižnarodnych spabornictvaŭ.
12.06.2022 / 15:58
Nahodaj dla hetaj zajavy staŭ dopusk Mižnarodnaj fiederacyjaj dziudo kamandaŭ Rasii i Biełarusi da spabornictvaŭ u manholskim Ułan-Batary, choć i pad niejtralnym ściaham. Bubka zajaviŭ pra niaźmiennaść pryniataha raniej kursu na adchileńnie rasijan i biełarusaŭ ad mižnarodnych spabornictvaŭ.
«Nacyjanalny alimpijski kamitet Ukrainy całkam padtrymlivaje pazicyju Mižnarodnaha alimpijskaha kamiteta, abvieščanuju ŭ lutym, z taho času ničoha nie źmianiłasia. Vykanaŭčy kamitet MAK dla abarony adzinstva mižnarodnych spartyŭnych spabornictvaŭ rekamiendavaŭ ich arhanizataram i mižnarodnym spartyŭnym fiederacyjam nie zaprašać da ŭdziełu spartsmienaŭ i aficyjnych asobaŭ z Rasii i Biełarusi.
Hetuju pazicyju na hetym tydni całkam padtrymała Asacyjacyja letnich alimpijskich vidaŭ sportu. NAK Ukrainy patrabuje ad usich mižnarodnych fiederacyj vykonvać zhadanyja rekamiendacyi», — havorycca ŭ paviedamleńni NAK Ukrainy.
Paśla pačatku vajny va Ukrainie Mižnarodny alimpijski kamitet 28 lutaha zaklikaŭ spartovyja arhanizacyi adchilić rasijskich i biełaruskich spartsmienaŭ ad udziełu ŭ mižnarodnych spabornictvach, ale pakinuŭ mahčymaść kančatkovaha vybaru kiraŭničym orhanam asobnych vidaŭ sportu. Niekatoryja fiederacyi adchilili rasijskich i biełaruskich spabornictvaŭ całkam, niekatoryja — častkova i z ahavorkami.