Aficyjnyja prafsajuzy źviarnuli ŭvahu na «vielmi vysokuju» canu biełaruskaj harodniny
Fiederacyju prafsajuzaŭ Biełarusi tryvožać vysokija ceny na biełaruskuju harodninu ŭ kramach i na rynkach, niahledziačy na toje, što zakupačnyja ceny zastajucca nizkimi. Pra heta zajaviŭ namieśnik staršyni FPB Uładzimir Paźniakoŭ, paviedamiŭ kanał ANT.
12.06.2022 / 14:54
«Na žal, my bačym vidavočnyja prablemy, źviazanyja z tym, što taja cana, jakaja farmirujecca na palicach kramy, jana vielmi vysokaja. Tym nie mienš, zakupačnaja cana na ŭzroŭni 50-60 kapiejek», — skazaŭ Paźniakoŭ.
Pavodle jaho słoŭ, «praz łancužok pasiarednikaŭ, dasiahajučy palicy kram, my bačym canu ŭ rajonie ad 2,5 da 2,7 rubla za toj ža ahurok».
Inšy prykład, jaki pryvioŭ namieśnik staršyni FPB, — košty na kapustu.
«My bačym na pryłaŭkach horada Minska ciapier kapustu z Kazachstana − 3.80 — 3.90 rubla. Biezumoŭna, heta niedapuščalna, kali siońnia ŭ Alšanach my bačym ajčynnuju kapustu, vyraščanuju ekałahična čysta, koštam 1,2 rubla», — zajaviŭ Paźniakoŭ.
I paabiacaŭ, što «buduć zrobleny vidavočnyja namahańni dla taho, kab detalovym čynam prasačyć łancužok cenaŭtvareńnia i paviedamić pra heta rehulataru».