Rasijskija vojski prasoŭvajucca da Bachmuta, bai za Sievieradanieck praciahvajucca
U zvodcy na ranicu 10 červienia, 107-ha dnia vajny, ukrainski Hienštab, u pryvatnaści, pryznaje prasoŭvańnie rasijskich vojskaŭ da adnaho z klučavych apornych punktaŭ, horadu Bachmut.
10.06.2022 / 08:07
«Praciŭnik viadzie nastup na kirunku Vazdvižanka — Roty, maje častkovy pośpiech, zamacoŭvajecca na zaniatych rubiažach», — havorycca ŭ zvodcy.
Vazdvižanka i Roty — pasieliščy ŭsiaho za niekalki kiłamietraŭ na paŭdniovy ŭschod ad Bachmuta.
Prasoŭvańnie supiernika ŭ rajonie Rot, a taksama ŭ raźmieščanaj na poŭnač ad Kamyšavachi, ukrainski hienštab pryznavaŭ i ŭ papiaredniaj zvodcy.
U Sievieradaniecku, piša hienštab, praciahvajucca bai, praciahvajucca i pakul biespaśpiachovyja, jak śćviardžaje ŭkrainskaje kamandavańnie, sproby rasijanaŭ vyjści na darohu Bachmut-Lisičansk.
Na astatnich učastkach frontu istotnych pieramienaŭ niama — va ŭsiakim vypadku, u zvodcy pra ich nie havorycca.