Jašče dva palitviaźni vyjšli na volu paśla hoda źniavoleńnia
Učora i siońnia na volu paśla adbyćcia ŭsiaho terminu źniavoleńnia vyjšli palitviaźni Pavieł Čurkin i Ryhor Mamanovič, piša «Viasna».
25.05.2022 / 18:43
Ryhor Mamanovič
24 maja na volu z kałonii vyjšaŭ palitviazień Pavieł Čurkin. Žychara Mahilova asudzili na 1 hod pazbaŭleńnia voli ŭ kałonii ahulnaha režymu pa artykule ab abrazie prezidenta (art. 368 Kryminalnaha kodeksu).
Taksama siońnia na volu vyjšaŭ palitźniavoleny Ryhor Mamanovič. 15 maja 2021 hoda sud Stolinskaha rajona asudziŭ jaho da 1 hoda «chimii» pa kryminalnaj spravie ab ździeku ź dziaržaŭnaha ściaha (art. 370 Kryminalnaha kodeksa). Z 6 červienia 2021 hoda jon adbyvaŭ pakarańnie ŭ papraŭčaj ustanovie №43.