Biełarus pastaviŭ fotapastku, kab ničoha nie skrali z budoŭli. Skrali fotapastku
Žychar Bychaŭskaha rajona Mahiloŭskaj vobłaści 24 krasavika paskardziŭsia ŭ milicyju, što ŭ jaho sa dvara skrali fotapastku, jakuju jon pastaviŭ, kab paźbiehnuć kradziažoŭ na budoŭli.
12.05.2022 / 17:30
Fotapastka. Ilustracyjnaje fota.
Padrabiaznaści kryminalnaj spravy raskazała ŭ efiry prahramy «Pryčyny i śledstva» na «Radyjo-Minsk» pres-sakratarka Śledčaha kamiteta Julija Hančarova.
Złodziej byŭ zafiksavany fotapastkaj, a haspadaru doma na mabilny telefon pryjšło paviedamleńnie z fatahrafijaj vykradalnika. U toj ža dzień milicyja znajšła 63-hadovaha miascovaha žychara, jaki ździejśniŭ kradziež.
Mužčyna raspavioŭ, što jaho ŭvahu pryciahnuła pryłada, ustalavanaja na nieaharodžanaj terytoryi budoŭli. Ź cikaŭnaści jon zabraŭ jaje dadomu i ŭskryŭ. Ale nie znajšoŭšy ničoha cikavaha, pasprabavaŭ ad jaje pazbavicca i byŭ zatrymany.
Mužčynu buduć sudzić za kradziež.