Što rabić, kab ciulpany daŭžej stajali ŭ vazie
Ciulpany — vyklučna pryhožyja kvietki, jakija cudoŭna ŭpryhožvajuć interjer. Napeŭna, vy chacieli b radavacca im daŭžej, i jość niekalki sposabaŭ, jak hetaha možna dasiahnuć.
12.05.2022 / 16:28
Fota: pixabay.com
Kali vašy ciulpany ŭžo zaviali, treba spačatku dastać ich z vazy, a potym pakłaści ŭ vadu manietu ź miedzi. Lepiej za ŭsio padyduć maniety naminałam 1, 2 i 5 kapiejek, bo jany pakrytyja miedździu, jakaja źjaŭlajecca karysnym dla ciulpanaŭ rečyvam i dapamoža zachavać ich śviežymi daŭžej.
Potym prybiarycie ź ciulpanaŭ usio niepatrebnaje liście, pakińcie zusim trochi, kab kvietka vyhladała pryhažej. I abrežcie ściabło ciulpana źnizu prykładna na 2-3 santymietry pad vuhłom 45 hradusaŭ, piša dompelenpomyslow.pl.
Ciapier možna znoŭ viartać kvietki ŭ vazu. Dajcie im trochi pastajać — i vy zaŭvažycie roźnicu, kvietki buduć vyhladać našmat śviažejšymi.
Jość i inšy sposab padoŭžyć žyćcio ciulpanaŭ, dla jaho nam spatrebicca cukar. Spačatku abrežcie končyki ciulpanaŭ na 1-2 santymietry, a potym zamianicie ŭ vazie vadu i dadajcie ŭ jaje stałovuju łyžku cukru.
Pakińcie ciulpany ŭ takoj vadzie na noč — i ranicaj jany znoŭ buduć śviežymi. Ale, kali hetaha nie zdaryłasia, abrazajcie končyki kvietak kožny dzień na santymietr i zamianiajcie vadu ŭ vazie na śviežuju z cukram. Jość šans, što praz 2-3 dni ciulpany ažyvuć.
Kali vy kuplajecie kvietki ŭ mahazinie, nielha być upeŭnienymi ŭ ich śviežaści. Takija kvietki mohuć nie prastajać doŭha, a vada, u jakoj jany znachodzilisia ŭ mahazinie, moža źmiaščać karysnyja rečyvy, jakija dapamahajuć zachoŭvać ciulpany śviežymi. Tamu, kali vy prynosicie ciulpany dachaty i stavicie ich u zvyčajnuju vadu, jany mohuć chutka zavianuć.
Abrazajcie končyki ciulpanaŭ pa dyjahanali, bo tady kvietka z bolšaj płoščaj zrezu zdoleje atrymać bolš vady i karysnych rečyvaŭ u joj. Zamianiajcie vadu ŭ vazie kožny dzień i sačycie za tym, kab kvietki znachodzilisia daloka ad pramych soniečnych promieniaŭ i ad zališniaha ciapła.