Reuters: Rasija stajała za kibieratakaj na spadarožnikavuju internet-sietku va Ukrainie
Rasija supravadžała ŭvarvańnie va Ukrainu 24 lutaha adklučeńniem tysiačy mademaŭ. U hetym sychodziacca raźviedki Vialikabrytanii, Kanady i ES.
10.05.2022 / 18:43
«Hetaja kibierataka akazała značny ŭpłyŭ, vyklikaŭšy nievybarnyja pieraboi ŭ suviazi pamiž niekalkimi dziaržaŭnymi orhanami, pradpryjemstvami i karystalnikami va Ukrainie, a taksama zakranuła niekalki dziaržaŭ — členaŭ ES», — havorycca ŭ zajavie Rady ES.
Brytanski Nacyjanalny centr kibierbiaśpieki (NCSC) ličyć, što asnoŭnaj metaj rasijskaj ataki byli ŭkrainskija vajskoŭcy, ale jana taksama parušyła pracu vietranych elektrastancyj i karystalnikaŭ internetu ŭ Centralnaj Jeŭropie.
Jak adznačaje Reuters, Rasija admaŭlaje, što pravodzić nastupalnyja kibierapieracyi, i nie adkazvaje na zapyty pa kamientary.