Hienprakuratura Ukrainy: Za čas vajny zahinuła prynamsi 221 dzicia
Prynamsi 221 dzicia zahinuła, a bolš za 408 atrymali ranieńni za čas rasijskaha ŭvarvańnia va Ukrainu, paviedamili ŭ ofisie hienprakurora Ukrainy, padkreśliŭšy, što heta tolki papiarednija źviestki.
05.05.2022 / 10:27
Žančyny ź dziećmi na čyhunačnym vakzale ŭ Kijevie. Fota: AP
Pa danych AAN, da 3 maja va Ukrainie zahinuli pa mienšaj miery 3238 mirnych žycharoŭ, u tym liku 7 dziaciej. U arhanizacyi taksama padkreślivajuć, što ŭ realnaści kolkaść achviar našmat vyšejšaja, a va ŭmovach vajennych dziejańniaŭ dakładnuju infarmacyju apieratyŭna atrymlivać niemahčyma.
«Pryčynaj bolšaj častki zafiksavanych vypadkaŭ hibieli abo ranieńnia cyvilnych asob było prymianieńnie vybuchovych pryład z šyrokaj zonaj paražeńnia, u tym liku abstreły ź ciažkaj artyleryi i reaktyŭnych sistem załpavaha ahniu, a taksama rakietnyja i avijaŭdary», — havorycca ŭ spravazdačy AAN.