Pamior archijepiskap Pinski Stefan. Ën byŭ adziny, chto ŭstupiŭsia za archijepiskapa Arciemija
Pamior archijepiskap Pinski Stefan (Korzun). Jamu było 78 hadoŭ.
22.04.2022 / 12:11
U červieni 2021 hoda jon byŭ adzinym členam Sinoda BPC, jaki pratestavaŭ suprać hvałtoŭnaha adchileńnia archijepiskapa Arciemija (Kiščanki) z Hrodzienskaj kafiedry, paviedamlaje telehram-kanał «Chryścijanskaja vizija».
Stefan (Ihar Korzun) naradziŭsia 25 sakavika 1944 hoda ŭ vioscy Korzuny Červieńskaha rajona. U 1975 hodzie skončyŭ Maskoŭskuju duchoŭnuju sieminaryju, paśla čaho pastupiŭ u Maskoŭskuju duchoŭnuju akademiju. 9 studzienia 1978 hoda ŭ Žyrovickim manastyry pastryžany ŭ manastva ź imiem Stefan u honar pieršamučanika i archidyjakana Stefana. U 1989 hodzie byŭ pryznačany rektaram Minskaj duchoŭnaj sieminaryi. Jepiskapam Pinskim i Łuninieckim byŭ pryznačany ŭ 1990 hodzie. Z 2000 hoda — archijepiskap.