U Minsku zatrymanyja za palityku ŭładalniki ahienctva nieruchomaści
Pravaabaroncam stała viadoma pra zatrymańnie ŭ Minsku ŭładalnikaŭ ahienctva nieruchomaści KUB — muža i žonki Vasila i Ały Ramanienki
21.04.2022 / 23:59
20 krasavika dadomu da ich uvarvalisia supracoŭniki HUBAZiK i SACHR. Viadoma, što Vasilu pradjavili abvinavačańni pa artykule 361-1 Kryminalnaha kodeksa «Stvareńnie ekstremisckaha farmiravańnia abo ŭdzieł u im». Mužčyna byŭ zarehistravany u płanie «Pieramoha». U čym dakładna abvinavačvajuć Ału, pakul nieviadoma.
Pa słovach svajakoŭ zatrymanych, žančyna ŭ płanie «Pieramoha» zarehistravanaja nie była, ale ŭ sacsietkach jana pakinuła niekalki pastoŭ, jakimi vykazała svaju pazicyju suprać vajny va Ukrainie.
Viadoma, što doma ŭ muža i žonki praviali ahlad, kanfiskavali ćviordy dysk.
Pa dadzienych, jakimi vałodajuć svajaki Ały i Vasila, noč paśla zatrymańnia jany praviali na Akreścina. 21 krasavika nad imi pavinien byŭ adbycca sud.