Apublikavany jašče adzin važny videazapis, jaki dakazvaje, što mirnych žycharoŭ u Bučy zabili ŭ čas rasijskaj akupacyi
U rasparadžeńni sajta «Mieduza» apynulisia fajły, jakija źmiaščajuć videaroliki vysokaj jakaści. Na ich vyjaŭlenyja paŭdniovyja rajony horada Buča Kijeŭskaj vobłaści. Zapis vioŭsia z drona. Miarkujučy pa mietadadzienych fajłaŭ, hetyja videa byli źniatyja na praciahu niekalkich dzion, z 23 pa 30 sakavika 2022 hoda. Zapisy, jakija «Mieduza» apublikavała, — jašče adno vielmi važnaje śviedčańnie (razam sa spadarožnikavymi zdymkami ŭ The New York Times), ź jakoha vynikaje, što ludziej u Bučy dakładna zabivali jašče da taho, jak z horada adstupili rasijskija vojski.
08.04.2022 / 00:41
Videazapis, jaki dakazvaje, što mirnych žycharoŭ u Bučy zabivali da adstupleńnia rasijskich vojskaŭ
Što vidać na zdymkach z drona, jakija apynulisia ŭ rasparadžeńni «Mieduzy»?
Na hetych zapisach možna pabačyć cieły zabitych, jakija lažać na vulicy Jabłonskaj, a taksama na niekalkich susiednich vulicach Bučy. My praviali hieałakacyju raźmiaščeńnia ciełaŭ, i jana całkam supała z łakacyjaj ciełaŭ, jakija 1 i 2 krasavika 2022 hoda, paśla adstupleńnia z horada rasijskich vojskaŭ, ukrainskija palicejskija i žurnalisty źniali ź ziamli na videa i fota.
Važna adznačyć, što ŭsie zahinułyja, źniatyja z pavietra, lažać nie prosta na tych ža samych miescach, ale i ŭ tych ža pozach, što i na zdymkach ź ziamli. Na niekalkich videa pobač ź ciełami (na adlehłaści ad niekalkich dziasiatkaŭ da niekalki sotniaŭ mietraŭ) možna pabačyć vajskovuju techniku, padobnuju da techniki, jakaja staić na ŭzbrajeńni rasijskich desantnych čaściej (vierahodna, heta BMD i BTR-D). Na adnym z zapisaŭ možna adroźnić ludziej pobač z adnoj z hetych bajavych mašyn. U hety čas cieły zabitych praciahvajuć lažać za niekalki dziasiatkaŭ mietraŭ ad raźmiaščeńnia vajskoŭcaŭ.
Na zdymcy ad 29 i 30 sakavika rasijskaj vajskovaj techniki na raniejšym miescy nie było. Mienavita 30 sakavika rasijskaje Minabarony nazyvaje dniom vyvadu vojskaŭ z Bučy.
Čamu heta važna?
Da hetaha hałoŭnym abjektyŭnym dakumientalnym dokazam taho, što zabityja ŭ Bučy zahinuli padčas prysutnaści tam rasijskich vojskaŭ, była spadarožnikavaja zdymka horada ad kampanii Maxar. Na zdymcy, jakuju kampanija datuje siaredzinaj sakavika, bačnyja «pradmiety, padobnyja na cieły ludziej» na Jabłonskaj vulicy. Adnak rasijskija prakramloŭskija błohiery z dapamohaj astranamičnaha analizu cieniaŭ sprabavali davieści, što zdymka Maxar viałasia 1 krasavika, kali ŭ Buču ŭvajšli ŭkrainskija vojski.
My nie tolki atrymali alternatyŭny zdymcy Maxar dakumientalny dokaz prysutnaści rasijskich vojskaŭ u Bučy ŭ toj čas, kali tam byli zabityja mirnyja žychary, ale taksama niezaležna datavali atrymanuju zdymku z dapamohaj astranamičnych vymiareńniaŭ.
Adkul u «Mieduzy» hetyja videazapisy?
Videa «Mieduzie» pieradaŭ rasijski nacyjanalist Siarhiej «Bocman» Karotkich, čyja hrupa vajuje na baku Ukrainy. Jon śćviardžaje, što jahonyja bajcy viali rehularnuju zdymku rasijskich pazicyj u paŭdniovych rajonach Bučy z ułasnaha drona.
Karotkich u hetaj historyi — zacikaŭlenaja asoba, pakolki praŭładnyja rasijskija žurnalisty abvinavačvajuć «Bocmana» i jahonuju hrupu ŭ tym, što mienavita jany zabili žycharoŭ Bučy 31 sakavika ci 1 krasavika, kali horad užo pakinuli rasijskija vojski. Tamu my staranna praanalizavali pieradadzienyja nam videa — i pierakanalisia, što padrobka vielmi małavierahodnaja.
Čamu my ŭpeŭnienyja ŭ tym, što videa zroblena da prychodu ŭkrainskich vojskaŭ?
Upeŭniena śćviardžać, što videa, jakoje my publikujem, źniata da adstupleńnia z Bučy rasijskich vojskaŭ, dazvalajuć try hałoŭnyja arhumienty:
Pa-pieršaje, rasijskaja vajskovaja technika dobra bačnaja na vulicy Jabłonskaj, pryčym na niekalkich zdymkach i ŭ roznyja dni. Niekalki broniemašyn znachodziacca tam i 23-ha, i až da 28 sakavika. Na videa, datavanym 29 sakavika, rasijskaj techniki na vulicy ŭžo niama. Na ŭzbrajeńni ŭkrainskaj armii takaja technika nie staić.
Pa-druhoje, krynica dała nam nieapracavanyja, zychodnyja videafajły, źniatyja dronam. Hetyja fajły ŭtrymlivajuć padrabiaznyja mietadadzienyja, u tym liku i dadzienyja pra čas zdymki.
Pa-treciaje, pakolki mietadadzienyja pry žadańni možna padrabić, my pryciahnuli dvuch niezaležnych ekśpiertaŭ, jakija pravieryli čas zdymki z dapamohaj astranamičnaha analizu cieniaŭ na malunku. Jaho vyniki dazvolili paćvierdzić, što čas u mietadadzienych supadaje z realnym časam zdymak, a pieršaje videa z zabitymi nie mahło być źniata paśla 26 sakavika 2022 hoda.