Śviatara aštrafavali za nalepku z antyvajennym nadpisam
Śviatar Biełaruskaj Hreka-Katalickaj Carkvy Vasil Jahoraŭ, probašč parafii Božaj Maci Białynickaj, byŭ siońnia padvierhnuty administracyjnamu spahnańniu ŭ vyhladzie štrafu ŭ pamiery 50 bazavych vieličyń. Sud nad im adbyŭsia ŭ Mahilovie, piša kanał «Chryścijanskaja vizija».
28.03.2022 / 17:36
Śviatar byŭ zatrymany 25 sakavika. Pryčynaj stała nalepka na aŭtamabili z nadpisam «Ukraina, prabač». Z 25 pa 28 sakavika Jahoraŭ prabyŭ u izalatary časovaha ŭtrymańnia.
Vasil Jahoraŭ — šmatdzietny baćka, aktyvist abarony tradycyjnych chryścijanskich siamiejnych kaštoŭnaściaŭ. Jon ŭdzielničaŭ u dziejnaści dabračynnaha fondu «Adkrytyja sercy».