Aŭstralija ŭviała sankcyi suprać Łukašenki, jaho starejšaha syna i žonki
MZS Aŭstralii abviaściła pra ŭviadzieńnie sankcyj suprać Alaksandra Łukašenki i členaŭ jaho siamji. U aŭstralijski sankcyjny śpis taksama patrapili 22 «rasijskija prapahandysty i raspaŭsiudžvalniki dezynfarmacyi».
25.03.2022 / 09:16
Pra heta havorycca ŭ zajavie kiraŭnika aŭstralijskaha MZS Morys Pejn.
«Urad Biełarusi na čale z prezidentam Łukašenkam praciahvaje akazvać stratehičnuju padtrymku Rasii i jaje ŭzbrojenym siłam u ich napadzie na suvierenitet i terytaryjalnuju cełasnaść Ukrainy», — patłumačyła ministr uviadzieńnie sankcyj.
Sankcyi ŭvodziacca taksama suprać jaho starejšaha syna Viktara i žonki Haliny.
U zajavie havorycca, što pad sankcyi taksama patrapili 22 asoby z Rasii, siarod jakich kiraŭnictva i redaktary arhanizacyj RT, Fond stratehičnaj kultury, «Infaros» i News Front.