Na sajcie rasijskaj «Kamsamołki» niejki čas pravisieła infarmacyja, što na vajnie va Ukrainie zahinuŭ 9861 rasijski sałdat
Pry hetym vydańnie spasyłałasia na Ministerstva abarony, choć na bryfinhach viedamstva takaja infarmacyja nie pryvodziłasia.
21.03.2022 / 22:50
Zaraz hety frahmient z natatki «Kamsamołki» vydaleny. Zrabili heta paśla taho, jak na ličby narešcie źviarnuli ŭvahu i pačali pra ich pisać. Z času publikacyi tekstu prajšli sutki.
Redakcyja «Kamsamołki» nieŭzabavie dała tłumačeńnie situacyi, spasłaŭšysia na ŭzłom adminki sajta vydańnia i nazvaŭšy raźmieščanuju infarmacyju fejkam.