Плацежная сыстэма PayPal прыпыніла працу ў Расіі
2 сакавіка PayPal спыніў рэгістрацыю новых карыстальнікаў з Расіі, піша Reuters.
05.03.2022 / 15:27
Кампанія PayPal падтрымлівае міжнародную супольнасць у асуджэнні «расійскай ваеннай агрэсіі ва Украіне». Адзначаецца, што пэўны час сэрвіс будзе даступны, каб карыстальнікі маглі зняць грошы з сваіх рахункаў.
Сувязі з Расіяй разарвалі ўжо многія заходнія кампаніі, у тым ліку Apple, Samsung, Coursera, Microsoft, Oracle, Dell Technologies, нафтавая Exxon Mobile, авіябудаўнічыя Boeing і Airbus, вытворцы спартовага адзення і абутку Nike, Walt Disney.