Pačaŭsia sud nad palitźniavolenymi redaktarami «Našaj Nivy» Jahoram Marcinovičam i Andrejem Skurko
Siońnia ŭ sudzie Zavodskaha rajona raspačaŭsia sud nad našymi kalehami Jahoram Marcinovičam i Andrejem Skurko.
28.02.2022 / 15:43
U zału suda puścili 12 čałaviek, ź ich 6 svajakoŭ. Na sud pryjšli taksama zamiežnyja dypłamaty.
Jahor vyhladaŭ badziorym, navat enierhičnym. Andrej ‒ bolš ziasiarodžanym i spakojnym.
Kryminalnuju spravu suprać hałoŭnaha redaktara «Našaj nivy» Jahora Marcinoviča i kiraŭnika adździełu markietynhu i rekłamy Andreja Skurko siłaviki zaviali pavodle č. 2 art. 216 Kryminalnaha kodeksu (pryčynieńnie majomasnaj škody biez prykmiet kradziažu, učynienaje hrupaj asobaŭ pa papiaredniaj zmovie abo ŭ bujnym pamiery). Našaniŭcaŭ sudziać pa ekanamičnym artykule za apłatu kamunalnych pasłuh pa taryfach dla fizičnych, a nie jurydyčnych asob.
Škodu, nibyta naniesienuju kamunalnikam, Jahor Marcinovič i Andrej Skurko kampiensavali ŭ poŭnym abjomie. «Minskenerha» adklikała isk i pretenzij da ich nie maje.
Pasiedžańnie suda na siońnia zavieršanaje. Praciah budzie ŭ sieradu ab 11-j. Maksimalnaje pakarańnie, jakoje pahražaje našaniŭcam — da piaci hadoŭ abmiežavańnia albo pazbaŭleńnia svabody.
Jahor Marcinovič i Andrej Skurko pryznanyja palityčnymi źniavolenymi. Jany trapili pad katok represij, jaki prajšoŭsia ci nie pa ŭsich niezaležnych vydańniach Biełarusi.