Сайт прэс-службы Лукашэнкі не апублікаваў яго выказванні наконт «старэйшага брата»

На сайце Аляксандра Лукашэнкі не апублікавалі яго адказ на пытанне спецыяльнага карэспандэнта «Коммерсанта» Андрэя Калеснікава аб наступным прэзідэнцкім тэрміне.

20.02.2022 / 16:16

Момант пытання. Скрыншот відэа

На прэс-канферэнцыі з Уладзімірам Пуціным 18 лютага карэспандэнт «Коммерсанта» Андрэй Калеснікаў спытаў Аляксандру Лукашэнку, як ён ацэньвае «шанцы беларускага народа страціць яго». Аляксандр Лукашэнка адказаў, што шанцы гэтыя «ўсё больш і больш нікчэмныя».

«Што тычыцца, прабачце, майго прэзідэнцтва, то вось мы цяпер са старэйшым братам параімся і вырашым! Чаго вы перажываеце? Усё будзе нармальна», — дадаў Лукашэнка.

У афіцыйнай стэнаграме на яго сайце гэты адказ не апублікаваны. 

Частка стэнаграмы на сайце прэс-службы Лукашэнкі