Palicyja zatrymała eks-prezidenta Handurasa. Jaho vyvodzili zakavanaha ŭ łancuhi
Chuana Arłanda Ernandesa zatrymanli ŭ Tehusihalpie pa abvinavačvańni ŭ handli narkotykami ŭ adkaz na zapyt ZŠA ab ekstradycyi.
16.02.2022 / 07:58
Palicyja Handurasa zatrymała ŭ Tehusihalpie byłoha prezidenta krainy Chuana Arłanda Ernandesa pa abvinavačvańni ŭ handli narkotykami ŭ adkaz na zapyt ZŠA ab ekstradycyi. Zatrymańnie praviedzienaje ŭ aŭtorak usiaho praź niekalki tydniaŭ paśla zakančeńnia terminu jaho paŭnamoctvaŭ, piša Deutsche Welle.
Z domu eks-kiraŭnika dziaržavy vyvieli ŭ kajdankach, łancuhach i ŭ kulenieprabivalnaj kamizelcy i dastavili na bazu palicejskaha śpiecnaza. U prysutnaści žurnalistaŭ niekalkich telekanałaŭ miedyki praviali ahlad byłoha kiraŭnika dziaržavy.
Amierykanskija ŭłady abvinavačvajuć Ernandesa va ŭdziele ŭ handli narkotykami pačynajučy z 2004 hoda.
Pa viersii śledstva, Ernandes udzielničaŭ u apieracyjach pa pierapraŭcy 500 ton kakainu z Kałumbii i Vieniesueły ŭ Złučanyja Štaty. Palityk, jak miarkujecca, atrymaŭ chabar na miljony dalaraŭ u abmien na abaronu narkahandlaroŭ ad śledstva i sudovaha pieraśledu.
U 2021 hodzie sud u ZŠA asudziŭ Chuana Antonia Ernandesa, brata tahačasnaha prezidenta Handurasa, da pažyćciovaha źniavoleńnia za ŭdzieł u narkahandli.