Pravaabaroncam praciahvajuć paviedamlać pra «palityčnyja» zatrymańni biełarusaŭ kožny dzień
Siarod zatrymanych — Anatol Cierašankoŭ, Hanna Kažemaks, Ksienija Marcinovič.
06.02.2022 / 18:38
Tak, 3 lutaha pierastaŭ vychodzić na suviaź Anatol Cierašankoŭ. Pa infarmacyi blizkich, jon sfatahrafavaŭ hrupu milicyjantaŭ, adpraviŭ heta fota ŭ čat (nie paviedamlajecca ŭ jaki) i adrazu ž vydaliŭ. Paśla hetaha Anatol pierastaŭ adkazvać na zvanki i paviedamleńni.
Taksama paviedamlajecca pra źniknieńnie suviazi z Hannaj Kažemaks. Jana była naziralnicaj na vybarach u 2020 hodzie. 5 lutaha Hanna pryjechała z Ukrainy ŭ Biełaruś. U jaje pad aknom byŭ zaŭvažany bus ź ludźmi ŭ formie, paśla hetaha Hanna pierastała vychodzić na suviaź.
4 lutaha paśla 15-sutačnaha aryštu ź CIPa na Akrecina nie vyjšli braty Illa i Mikita Valencinovičy. 20 studzienia ich aryštoŭvali za «niepadparadkavańnie» pa art. 24.3 KaAP. Bratoŭ pierazatrymali. Vierahodna, nad imi adbudziecca novy sud, ale artykuł pakul nieviadomy.
6 lutaha stała viadoma pra zatrymańnie Ksienii Marcinovič u Homieli. Jaje maci psichołah Ała Marcinovič vykazała zdahadku, što dačku zatrymali z-za jaje. Sama Ała Marcinovič raniej vyjechała ŭ Kijeŭ.