Філосаф Уладзімір Мацкевіч пачаў галадоўку ў СІЗА
Палітвязень Уладзімір Мацкевіч пачаў галадоўку. Ён знаходзіцца пад вартай у СІЗА паўгода, з 4 жніўня 2021-га, яго абвінавачваюць у арганізацыі дзеянняў, якія груба парушаюць грамадскі парадак, паведамляе Deutsche Welle.
04.02.2022 / 10:26
Першыя 10 дзён філосаф збіраецца галадаць на вадзе.
Калі яго патрабаванні не выканаюць, ён пяройдзе да сухой галадоўкі, сказана на старонцы ў яго падтрымку ў Фэйсбуку. Палітвязень патрабуе змяніць меру ўтрымання на падпіску аб нявыездзе, завяршыць следчыя дзеянні і прызначыць дату суда.
У Мацкевіча ўжо ёсць вопыт працяглай галадоўкі.
У 2006-м ён 23 дні галадаў разам з прыхаджанамі царквы «Новае жыццё», пратэстуючы супраць яе прымусовага высялення. Тады ўлады адмянілі сваё рашэнне.