Stała viadoma, kolki elektraenierhii vypracavała BiełAES za ŭvieś čas
Na pieršym enierhabłoku BiełAES vypracavana bolš za 7 młrd kiłavat-hadzin elektryčnaści, śviedčać abnoŭlenyja źviestki na sajcie Ministerstva enierhietyki.
01.02.2022 / 12:08
Takaja kolkaść elektraenierhii była vyrablenaja za adzin hod i try miesiacy z momantu ŭklučeńnia błoka ŭ sietku.
Heta na 2,5% bolš, čym usia elektryčnaść, spažytaja nasielnictvam krainy ŭ 2020 hodzie.
Na vypracoŭku apošniaha miljarda kiłavat-hadzin elektraenierhii pieršamu enierhabłoku BiełAES spatrebiłasia kala miesiaca. Niekalki razoŭ błok adklučaŭsia ź listapada 2020 hoda, u tym liku nie pracavaŭ ź lipienia pa kastryčnik 2021-ha. Nieŭzabavie zapracuje druhi błok AES.
Taksama apošnim časam ułady nieadnarazova zajaŭlali pra pabudovu jašče adnoj AES u Biełarusi. Alaksandr Łukašenka padčas piatničnaha zvarotu skazaŭ, što nie vyklučana, što druhaja stancyja taksama raźmieścicca ŭ Astravieckim rajonie, dzie ŭžo jość razhalinavanaja infrastruktura.