Litoŭskaja čyhunka nie budzie pieravozić uhnajeńniaŭ «Biełaruśkalija»
Litoŭskaja čyhunka paviedamilia, što z 1 lutaha nie budzie pieravozić pradukcyju «Biełaruśkalija», jaki trapiŭ u sankcyjny śpis ZŠA.
26.01.2022 / 15:32
Litoŭskaja čyhunka nie budzie pieravozić pradukcyju «Biełaruśkalija», jak taho prasili try biełaruskija kampanii-pasiaredniki.
Pradpryjemstva paviedamiła, što adchiliła zajaŭki kampanij ab pieravozcy kalijnych uhnajeńniaŭ. U pres-relizie, adnak, havorycca, što, kali jany pradstaviać novyja zajaŭki z novymi arhumientami, to spatrebicca tryvałaja pravavaja asnova dla adchileńnia takich zajavak.
Litoŭskaja čyhunka taksama atrymała i zajaŭki jašče dźviuch kampanij — litoŭskaj Lit Salt Trade i Belintertrans Baltik — na pieravozku ŭhnajeńniaŭ «Biełaruśkalija». Nakont pieršaj ź ich ŁČ užo źviarnułasia va ŭradavuju kamisiju nacyjanalnaj biaśpieki, a nakont druhoj — płanuje źviarnucca.