Raman Pratasievič źjaviŭsia paśla niekalkich miesiacaŭ adsutnaści ŭ infarmacyjnym poli i anansavaŭ pieramieny ŭ svaim žyćci
Błohier Raman Pratasievič paśla doŭhaj adsutnaści ŭ infapoli apublikavaŭ niekalki pastoŭ u Twitter. Jon anasavaŭ «niekatoryja źmieny» ŭ žyćci, pra jakija abiacaŭ raspavieści.
18.01.2022 / 14:56
Skrynšot videa ANT
«Nu što, siabry. Vyrašyŭ pavoli viartacca ŭ Tvitar paśla praciahłaha pierapynku. Doŭhi čas, jak vy zaŭvažyli, ja ničoha nie pisaŭ. I źviazana heta było z tym, što ja adychodziŭ ad navin, niehatyvu i infarmacyjnaha šumu. I heta vydatna dapamahło:)
Nu a ŭ bližejšy čas u maim žyćci adbuducca niekatoryja źmieny, ab jakich ja abaviazkova raskažu i tut», — napisaŭ jon u Tvitary.
Pratasievič prapanavaŭ padpisčykam pisać zdahadki nakont jaho płanaŭ, spojleram pastaviŭ fota z prarasijskim «patryjotam», «pravaabaroncam» Dźmitryjem Bielakovym.
Błohier Raman Pratasievič byŭ zatrymany razam sa svajoj dziaŭčynaj Safijaj Sapiehaj 23 maja paśla prymusovaj pasadki ŭ Minsku samalota Ryanair Afiny — Vilnia.
Paviedamlałasia, što ŭ dačynieńni da Pratasieviča, jaki byŭ hałoŭnym redaktaram najbujniejšaha biełaruskaha telehram-kanała, zaviedieziena niekalki kryminalnych spraŭ.
Adnak paźniej z Ramanam Pratasievičam dziaržSMI zapisali niekalki intervju, jon paŭdzielničaŭ u rezanansnaj pres-kanfierencyi Pamiežnaha kamiteta 14 červienia, jaho pieraviali pad chatni aryšt, i jon zavioŭ Tvitar. Ale apošni dopis tam byŭ datavany 18 žniŭnia. Paśla hetaha Raman źnik ź inframacyjnaj prastory.
14 studzienia jaho advakat zajaviła, što z Ramanam nie pravodzicca śledčych dziejańniaŭ.
Tym časam sprava Safii Sapiehi pieradadzienaja ŭ sud, jaje vinavaciać pa siami artykułach.