Zachodnija ŚMI: Nazarbajeŭ žyvy i viadzie «lutyja pieramovy» z Takajevym
Były prezident Kazachstana Nursułtan Nazarbajeŭ žyvy i viadzie «lutyja pieramovy» ź ciapierašnim lidaram Kasym-Žamartam Takajevym ab pieraraźmierkavańni aktyvaŭ, raspavioŭ brytanskaj The Guardian były zachodni čynoŭnik z suviaziami ŭ Kazachstanie. Pavodle jaho dadzienych, baraćba za ŭładu ŭ krainie praciahvajecca.
17.01.2022 / 18:27
«Pieramovy [pamiž Nazarbajevym i Takajevym] praciahvajucca», — zajaviŭ vydańniu były daradca pieršaha prezidenta Kazachstana Jermuchamiet Jertysbajeŭ.
Adna z krynic The Guardian śćviardžaje, što pieršy prezident Kazachstana zaraz znachodzicca ŭ Kitai. Ale, pa słovach Jertysbajeva, Nazarbajeŭ ŭsio jašče znachodzicca ŭ krainie. «Vidavočna, što epocha Nazarbajeva skončyłasia», — dadaŭ jon.