Першыя прысуды па «справе Зельцэра» — 2 гады калоніі і штраф за каментар пра забітага работніка КДБ
Генпракуратура паведаміла пра прысуд 45-гадоваму жыхару Магілёва.
10.01.2022 / 11:13
Той пакінуў негатыўны каментарый пра супрацоўніка КДБ, які загінуў у перастрэлцы з айцішнікам Андрэем Зельцэрам, што адбылася на вуліцы Якубоўскага ў Мінску 29 верасня.
Яму прысудзілі 2 гады калоніі агульнага рэжыму і штраф 3200 рублёў.
Нагадаем, што па «справе Зельцэра» затрымалі ў канцы верасня — пачатку кастрычніка каля 200 чалавек.
Паўтара месяца іх трымалі на каранціне: не пускалі адвакатаў і не перадавалі перадачы.