Zvolnili dyrektarku muzieja Janki Kupały Alenu Laškovič
Dyrektarka litaraturnaha muzieja Janki Kupały Alena Laškovič zvolnienaja sa svajoj pasady 5 studzienia.
09.01.2022 / 13:20
Alena Laškovič naradziłasia ŭ Vilejskim rajonie. Skončyła histaryčny fakultet BDU, pracavała ŭ Respublikanskim navukova-mietadyčnym centry narodnaj tvorčaści i kultpraśvietraboty, zatym u Instytucie prablem kultury.
Laškovič uznačaliła muziej u 2007 hodzie. Pad jaje kiraŭnictvam byŭ realizavany šerah cikavych prajektaŭ, abnoŭlenaja ekspazicyja muzieja. U pryvatnaści, da 130-hodździa z dnia naradžeńnia Kupały źjaviłasia ekspazicyja «Šlachi».
Pry joj u ekspazicyi muzieja źjavilisia multymiedyjnyja mahčymaści: tematyčnyja klipy ŭ 3D-farmacie, virtualnyja ekskursii pa filijałach muzieja.
Pra pryčyny zvalnieńnia ničoha nie paviedamlajecca. Raniej imia Laškovič fihuravała ŭ paskvili prapahandysta Andreja Mukavozčyka.