Litva nie budzie praciahvać nadzvyčajnaje stanovišča na miažy ź Biełaruśsiu
Premjer-ministr Litvy Inhryda Šymanicie zajaviła, što jaje ŭrad pryniaŭ rašeńnie nie praciahvać režym nadzvyčajnaha stanovišča na miažy ź Biełaruśsiu i ŭ łahierach, u jakich raźmiaščajuć mihrantaŭ.
08.01.2022 / 22:51
Inhryda Šymanicie, D. Umbraso/LRT
«Ciapier urad nie budzie prapanoŭvać padoŭžańnie nadzvyčajnaha stanovišča paśla 15 studzienia, ale nam, mahčyma, daviadziecca razhledzieć taki krok u zaležnaści ad taho, jak budzie raźvivacca situacyja», — skazała Šymanicie.
Režym nadzvyčajnaha stanovišča, jaki dziejničaje z 9 listapada, dazvalaje litoŭskim pamiežnikam vykarystoŭvać «psichałahičny cisk» i «praparcyjny fizičny hvałt» dla praduchileńnia praniknieńnia niezakonnych mihrantaŭ u Litvu.