Sabaka try z pałovaj hady čakaŭ haspadara ŭ časovym prytułku i dačakaŭsia
Radasnaj historyjaj padzialiŭsia ŭ Fejsbuku Aleks Norman.
31.12.2021 / 12:06
«Na fota — sabaka Łejła. Jana trapiła ŭ prytułak «Domik vyratavanych Duš» (Minsk) dzieści ŭ sakaviku 2018 hoda, i bolš za try hady čakała svajho novaha haspadara», — napisaŭ u siabie ŭ Fejsbuku Aleks Norman.
«Try z pałovaj hady — heta vielmi šmat pa mierkach sabak, dzieści čverć ich žyćcia. U nas u prytułku, viadoma, nie dzień za paŭtara, ale dla žyvioł heta chutčej internat, čym paŭnavartasny dom.
A ŭ minułuju piatnicu — pierad Rastvom — pryjechaŭ mužčyna (na druhim fota). Skazaŭ, ubačyŭ Łejłu ŭ adnym z katałohaŭ u internecie. I zabraŭ — adrazu, biez rozdumaŭ, doŭhich znajomstvaŭ.
Voś tak prosta sabaka, što bolš za tysiaču dzion žyła ŭ valjery, sustrenie Novy hod doma. Sapraŭdny pieradnavahodni cud!».