Nazvany aktyŭ, jaki padaražeŭ sioleta bolš za bitkojn
Anłajn-płatformy dla inviestycyj i prodažu maračnych vinaŭ, šampanskaha i mocnaha ałkaholu zarehistravali rekordnuju aktyŭnaść karystalnikaŭ, paviedamlaje Reuters.
25.12.2021 / 21:36
Pa danych płatformy LiveTrade, jakaja składaje «indeks Bardo» (Bordeaux Index), u hetym hodzie na joj było pradadziena 220 tysiač plašak ałkaholu premium-kłasa, ich siaredniaja cana skłała £230 ($308,5). U 10% vypadkaŭ cana za hod vyrasła bolš čym na 30%.
Bolš za ŭsio na płatformie padaražeła šampanskaje.
Naprykład, cana na Salon le Mesnil 2002 hoda padskočyła na 80%. Prykładna nastolki ž jana vyrasła i na inšaj vinnaj biržy London International Vintners Exchange (Liv-ex).
Ciapier plaška hetaha napoju kaštuje prykładna £11,7 tys. ($15,7 tys.). Jak adznačaje Reuters, heta pieravyšaje 75-pracentny rost bitkojnaŭ.
Taksama heta amal u piać razoŭ bolš, čym 18-pracentny rost indeksa NYSE FANG + TM (uličvaje akcyi Tesla, Microsoft, Facebook, Amazon, Netflix i Google).