Łucki: Łukašenka daŭ daručeńnie pravieści acenku dziejańniaŭ kampanii A1 i pryniać samyja žorstkija miery
«Telekamunikacyjny i kantent-pravajdar A1 u peŭnym sensie «źlivaŭ» nie toj kantent i nie tudy. Heta parušaje lubyja maralnyja, etyčnyja i jurydyčnyja normy i praviły. U suviazi z hetym Alaksandram Łukašenkam dadziena daručeńnie pravieści acenku dziejańniaŭ kampanii», — paviedamiŭ namieśnik kiraŭnika administracyi Łukašenki Ihar Łucki.
19.12.2021 / 13:03
Skrynšot ź videa rekłamy apieratara A1
Jak jon adznačyŭ, pa daručeńni Łukašenki buduć pryniaty samyja žorstkija miery. Nieabchodna razabracca, što adbyvajecca ŭ kampanii i nadalej nie dapuskać padobnaha.
Nahadajem, što 10 śniežnia stała viadoma pra zatrymańnie pres-sakratara kampanii A1 Mikałaja Bredzieleva, jakoha paźniej asudzili na 15 sutak. Apieratara abvinavacili ŭ «źlivie» źviestak abanientaŭ, ale dokazaŭ hetamu pradstaŭlena nie było.
U kampanii zajavili, što Bredzieleŭ nie mieŭ dostupu da piersanalnych danych klijentaŭ, i paabiacali pravieści ŭnutranuju pravierku.