Prajšli 18 miesiacaŭ z momantu zatrymańnia Eduarda Babaryki. Pa zakančeńni hetaha terminu abvinavačany pavinien być vyzvaleny
Učora, 17 śniežnia, prajšło roŭna 18 miesiacaŭ z momantu zatrymańnia Eduarda Babaryki, paviedamlaje kamanda Viktara Babaryki.
18.12.2021 / 15:16
U adpaviednaści ź dziejučym Kryminalna-pracesualnym kodeksam, heta maksimalny termin, na praciahu jakoha možna ŭtrymlivać asobu pad vartaj padčas papiaredniaha śledstva. Pa zakančeńni 18 miesiacaŭ abvinavačany pavinien być vyzvaleny. Ale Eduard na volu tak i nie vyjšaŭ.
Zakanadaŭstva dazvalaje padaŭžać utrymańnie pad vartaj zvyš 18 miesiacaŭ, kali papiaredniaje rasśledavańnie zavieršanaje, a materyjały kryminalnaj spravy pradastaŭlenyja abvinavačanamu i advakatam dla aznajamleńnia.
Adnak dakładnaj infarmacyi na hety kont niama: advakaty Eduarda nie kamientujuć situacyju ŭ suviazi z padpiskaj ab nierazhałošvańni.
Eduard Babaryka byŭ zatrymany razam z baćkam Viktaram Babarykam 18 červienia 2020 hoda. Jon byŭ u kamandzie baćki, jaki sprabavaŭ zarehistravacca kandydatam u prezidenty.
21 červienia Eduardu Babryku było pradjaŭlenaje abvinavačvańnie pa č. 2 art. 243 KK («Uchileńnie ad vypłaty padatkaŭ i zboraŭ, što paciahnuła pryčynieńnie škody ŭ asabliva bujnym pamiery»).
Viktaru Babaryku prysudzili 14 hadoŭ źniavoleńnia.