Łukašenka ab palotach «Biełavii» ŭ Krym: Chiba my nie lotajem u Krym? Ščyra kažučy, ja navat nie viedaŭ…
«Biełavija» budzie ažyćciaŭlać rehularnyja rejsy ŭ akupavany Krym, kali heta budzie nieabchodna. Pra heta Łukašenka zajaviŭ u intervju rasijskamu prapahandystu Kisialovu.
30.11.2021 / 22:44
Palityku zadali pytańnie, kali «Biełavija» palacić u Krym. «Chiba my nie lotajem u Krym? Ščyra kažučy, ja navat nie viedaŭ, što my nie lotajem u Krym», — adreahavaŭ Łukašenka.
«Kali nie lotaje… Kali nam treba budzie pieravieźci našych ludziej (a ŭ nas tam i sanatoryj svoj), słuchajcie, u nas ruki raźviazanyja», — dadaŭ Alaksandr Łukašenka.
Dźmitryj Kisialoŭ udakładniŭ, što ŭ svaim pytańni mieŭ na ŭvazie ažyćciaŭleńnie rehularnych rejsaŭ.
«Ja pra heta i kažu. My palacim tady, kali nam treba budzie. Na žal, nie praz Ukrainu. U dva razy abo ŭ paŭtara dalej budzie», — skazaŭ palityk.