Sud admoviŭ u pieravodzie palitźniavolenaha muzykanta Ihara Bancara z «chimii» ŭ kałoniju
Novy sud nad rok-muzykam Iharam Bancaram prajšoŭ u Viciebsku 24 listapada. Sud Čyhunačnaha rajona admoviŭ kiraŭnictvu viciebskaj «chimii» ŭ žadańni pieravieści Bancara ŭ kałoniju na bolš žorstki režym.
25.11.2021 / 09:58
Pieršapačatkova Bancar mieŭ vyzvalicca z «chimii» ŭ lutym 2022 hoda. Kali b rašeńnie ab pieravodzie ŭ kałoniju ad 29 vieraśnia zastałosia ŭ sile, to jon by skončyŭ adbyvać pakarańnie sioleta ŭ listapadzie. Adnak paśla novaha suda 24 listapada pakul niezrazumieła, kali ŭ palitviaźnia skončycca termin pakarańnia.
Pieršy taki sud adbyŭsia nad Bancaram 29 vieraśnia. Tady jamu pryznačyli 1 miesiac i 25 dzion kałonii ahulnaha režymu da kanca źniavoleńnia.
Adnak praź miesiac paśla taho suda vyśvietliłasia, što sudovyja dakumienty aformili niapravilna, bo spasłalisia na artykuł 415 Kryminalnaha kodeksa, jaki niadaŭna vyklučyli z zakanadaŭstva.
Padtrymajcie palitviaźnia: VUAT №9, 210034, h. Viciebsk, vuł. 3-ja Čepinskaja, 39