Anastasiju i Siarhieja Krupieničaŭ, jakija adsiadzieli bolš za 110 sutak, adpuścili na volu. Jany pakinuli Biełaruś
Palitźniavolenych muža i žonku Anastasiju Krupienič-Kandraćjevu i Siarhieja Krupieniča adpuścili na volu. Jany pakinuli Biełaruś.
10.11.2021 / 13:47
U piatnicu 5 listapada ich pakarali dziaviaty raz na 15 sutak kožnaha pa art. 19.11 KaAP za pierasyłku adzin adnomu ŭ pryvatnych paviedamleńniach navinaŭ z «ekstremisckich» telehram-kanałaŭ, nahadvajuć pravaabaroncy.
Takoje rašeńnie pryniała sudździa Leninskaha rajona Anastasija Ačałava. Ahułam u muža i žonki naličvałasia 126 i 127 sutak aryštu pa dzieviaci pastanovach suda.
Niehledziačy na pastanovy ab aryšcie, uviečary 5 listapada paśla sudu Siarhieja i Anastasiju adpuścili na volu ź IČU na Akreścina biez tłumačeńnia pryčynaŭ. Jany ŭ chutkim časie pakinuli Biełaruś. Ciapier jany ŭ biaśpiecy.