Urad Litvy pryniaŭ rašeńnie ŭvieści režym nadzvyčajnaha stanovišča na miažy ź Biełaruśsiu
Režym budzie dziejničać adzin miesiac z 10 listapada.
09.11.2021 / 10:37
Rašeńnie ŭrada pavinien uchvalić Siejm Litvy.
Nadzvyčajnaje stanovišča budzie abvieščana na ŭsim učastku miažy Litvy ź Biełaruśsiu (nahadajem, jaje praciahłaść składaje bolš za 678 km) i na terytoryi piaci kiłamietraŭ ad jaje.
Režym nadzvyčajnaha stanovišča taksama ŭvodzicca ŭ miescach raźmiaščeńnia zamiežnikaŭ (na terytoryi centra rehistracyi zamiežnikaŭ u Pabradzie, na terytoryi centra rehistracyi zamiežnikaŭ Miedzininkaj i na terytoryi centra rehistracyi zamiežnikaŭ Kibartaj, na terytoryi centra pryjomu biežancaŭ u Rukle i ŭ łahiery biežancaŭ Naŭininkaj i ŭ 200 mietrach vakoł jaho).