Pamior «baćka» desiertu tyramisu
U Italii va ŭzroście 93 hadoŭ pamior restaratar Ada Kampieoł, jakoha nazyvajuć «baćkam» znakamitaha desiertu tyramisu.
31.10.2021 / 17:32
facebook.com
Pra heta paviedamiŭ u svaim fejsbuku hubiernatar rehijonu Vienieta Łuka Dzaja, piša telekanał «Dožd́»
Kampieoł byŭ uładalnikam italjanskaha restarana Alle Beccherie, jaki ŭ 1972 hodzie dadaŭ u svajo mieniu desiert z maskarponie i prapitanym kavaj piečyvam. Paśla taho, jak pra jaho napisała miascovaje hastranamičnaje vydańnie, desiert staŭ adnym z samych viadomych straŭ u Italii.
Tyramisu źjaviłasia «dziakujučy intuicyi i fantazii» žonki Kampieoła Alby, adznačyŭ Dzaja. Saaŭtar desiertu — šef-kuchar Rabierta Linhuanota — raspaviadaŭ, što jon atrymaŭsia vypadkova padčas padrychtoŭki vanilnaha marožanaha, kali trochi syru maskarponie trapiła ŭ sumieś ź jajek i cukru. Paśla Linhuanota i žonka Kampieoły ŭdaskanalili recept, dadaŭšy ŭ jaho prapitanaje kavaj piečyva i kakavu. Adnak siamja nie patentavała recept.