Premjer Hruzii pra haładoŭku Saakašvili: U čałavieka jość prava na samahubstva

Ułady Hruzii admaŭlajucca pieravieści eks-prezidenta Michaiła Saakašvili z turmy ŭ pryvatnuju kliniku, bo aścierahajucca biesparadkaŭ u miedustanovie.

29.10.2021 / 12:30

Iraklij Harybašvili

Pra heta premjer-ministr Hruzii Iraklij Harybašvili zajaviŭ u intervju telekampanii «Imiedzi».

Harybašvili śćviardžaje, što špitalizacyja ŭ balnicu hramadzianskaha siektara, dzie «niama nijakich umoŭ biaśpieki, — heta častka «płana Saakašvili».

«Zhodna ź jaho płanam, my pavinny pieravieźci jaho ŭ pryvatnuju kliniku. (…) Dalej ich płan zaklučajecca ŭ tym, kab mabilizavać niekalki tysiač čałaviek, 4-5 abo 10 tysiač. Nam pryjdziecca rasstaŭlać palicyju, prymianiać śpiecyjalnyja srodki i znachodzicca ŭ viečnym chaosie i biesparadkach», — skazaŭ Harybašvili.

Kamientujučy haładoŭku eks-prezidenta, jon taksama zajaviŭ, što «ŭ čałavieka jość prava na samahubstva» i dziaržava nie niasie adkaznaści za heta.

«U zakonie napisana, što ŭ čałavieka jość prava na samahubstva. Kali čałaviek vyrašyć zabić siabie, to jon moža zabić siabie, adnak, viadoma ž, dziaržava adkaznaść za heta nie voźmie», — skazaŭ jon.

Saakašvili byŭ zatrymany 1 kastryčnika ŭ Tbilisi paśla taho, jak tajemna prybyŭ z Ukrainy. Jon źmieščany ŭ turmu na padstavie vyniesienych raniej sudom pastanoŭ, jamu pahražaje da šaści hadoŭ turmy.