Advakat: Saakašvili schudnieŭ z-za haładoŭki na 12 kiłahramaŭ
Pavodle zajavy advakata byłoha prezidenta Hruzii Michaiła Saakašvili Bieki Basiłaja, z-za haładoŭki Michaił Saakašvili straciŭ 12 kh, i jaho stan paharšajecca z kožnym dniom.
08.10.2021 / 16:00
«Hledziačy na jaho, vidać, što čałaviek schudnieŭ. Jon straciŭ pryblizna bolš za 12 kh, jak ja viedaju. Z kožnym dniom stan jaho zdaroŭja pastupova pačnie paharšacca, kali ŭžo nie pahoršyŭsia. Maralna jon badziory», — cytuje Basiłaja Interpressnews.ge.
Saakašvili zatrymali ŭ Hruzii 1 kastryčnika. Palityk pryjechaŭ u krainu paśla vaśmi hadoŭ emihracyi. Jon viarnuŭsia ŭ Hruziju z Ukrainy, kab udzielničać u pratesnych akcyjach paśla vybaraŭ, jakija adbylisia 2 kastryčnika, ale byŭ zatrymany i źmieščany pad aryšt. Suprać jaho zaviedzienyja čatyry kryminalnyja spravy, ahułam jamu pahražaje da šaści hadoŭ turmy.
Adrazu paśla aryštu Saakašvili abviaściŭ haładoŭku.