U Minsku mužčyna z palaŭničaj zbroi zastreliŭ supracoŭnika KDB, jaho zabili ŭ adkaz. Pierastrełka trapiła na VIDEA
aściarožna: žorstkija kadry!
Praŭładnyja telehram-kanały paviedamlajuć, što padčas rejdu KDB pa adnym z adrasoŭ mužčyna, uzbrojeny palaŭničaj strelbaj, zabiŭ adnaho z supracoŭnikaŭ. Siłaviki ŭ adkaz zastrelili mužčynu. Zdareńnie adbyłosia siońnia dniom pa vulicy Jakuboŭskaha, 29 u Minsku.
28.09.2021 / 20:23
Pavodle niepaćvierdžanaj infarmacyi, zahinuŭ 31-hadovy ajcišnik.
Taksama paviedamlajecca, što siłaviki adpracoŭvali kvatery ŭ ramkach kryminalnaj spravy ab teraryźmie.
Było apublikavana videa momantu ataki na kvateru. Ź videa vynikaje, što zabity zdymaŭ usio na kamieru ŭ siabie doma. Na im taksama bačna, što ŭ kvatery była i žančyna. Što ź joju, nie paviedamlajecca.
Śledčy kamitet zavioŭ kryminalnuju spravu pa č. 2 art. 139 (zabojstva asoby ŭ suviazi z ažyćciaŭleńniem im słužbovaj dziejnaści).